У Беларусі 15 сакавіка адзначаюць Дзень Канстытуцыі.
Дарагія суайчыннікі!
Віншую вас з Днём Канстытуцыі.
У бягучым годзе гэта свята напоўнена асаблівым сэнсам. Сёння ўступаюць у сілу прынятыя на рэспубліканскім рэферэндуме канстытуцыйныя змяненні. Мы адкрываем новы раздзел нашай гісторыі - гісторыі сучаснай, накіраванай у будучыню Беларусі. Умацоўваючы прававы фундамент грамадства, ствараем для наступных пакаленняў надзейны механізм аховы адвечных каштоўнасцей, нацыянальнай памяці і традыцыйнага ўкладу жыцця.
Беларусы зрабілі свой выбар, прадэманстраваўшы грамадзянскую сталасць, прыхільнасць мірнаму, стваральнаму, эвалюцыйнаму развіццю краіны. Захаваўшы асновы суверэннай дзяржавы, якая гарантуе сацыяльную абароненасць грамадзян, мы ўдасканалілі інстытут народаўладдзя і стварылі сістэму кіравання, якая адпавядае выклікам нашага часу.
Разам нам трэба будзе ў поўнай меры раскрыць патэнцыял абноўленага Асноўнага закона ў мэтах умацавання адзінства народа, паспяховай самарэалізацыі кожнага чалавека, забеспячэння законнасці і правапарадку.
Перакананы, што, абапіраючыся на палажэнні Канстытуцыі, мы зробім нашу Беларусь яшчэ больш моцнай, прыгожай і шчаслівай краінай.
Жадаю ўсім здароўя, дабра, узаемаразумення, новых здзяйсненняў на карысць роднай Айчыны.
Прэзідэнт Рэспублікі Беларусь Аляксандр Лукашэнка
